الجمعة، يناير 5

تعليق على حوادث القطارات المتتابعة نشر في سبتمبر 2006

قتيلان و 30 جريحا في اصطدام قطارين شمال القاهرة
قتل شخصان وجرح 30 آخرين في اصطدام قطار ركاب بقطار شحن شمال العاصمة المصرية القاهرة مساء الاثنين في منطقة شبين القناطر. ويأتي هذا الحادث بعد اسبوعين من حادث قطار في منطقة دلتا النيل ادى الى مقتل 58 شخصا وكان هذا الحادث الاكبر في تاريخ السكك الحديدية المصرية. وكان مسؤول سكك الحديد المصرية قد اقيل بعد حادث الشهر الماضي. ولا تزال السلطات المصرية تحقق في الحادث الماضي الذي وقع في منطقة قليوب، ويذكر ان هذا الحادث كان قد اثار موجة من الغضب في مصر بسبب الحالة الرديئة لشبكة السكك الحديدية. وكان وزير النقل محمد منصور قد اعلن بعد الحادث ان السكك الحديدية في مصر تحتاج الى اعادة تأهيل جدية وان المبالغ المرصودة لهذا
القطاع غير كافية على الاطلاق
نقلاً عن(BBC)

اما هذا الجزء كاتبه انا
فيه ايه يا ناس هو كل يوم حادثة قطار يروح فيها شوية ناس غلابة اما مقتول او عاجز بعد الإصابة هانفضل في الهم ده لحد امتى لما نموت كلنا من غير تمن هو احنا رخاص للدرجة دي !!!! طيب لو احنا رخاص في عنين الحكومة الله يخب بيتها هل احنا رخاص على نفسنا علشان نسيب شوية كلاب يتحكمو في مصيرنا ؟؟؟ ليه ساكتين خايفين على ايه مستنيين لما حادثة زي دي تحصل في ايام المدارس ويعالم مين يروح فيها يمكن انت او ابنك او اخوك او اختك او انا او ناس غلابة كل ذنبهم انهم ركبو القطار علشان مفيش معاهم حق المواصلة الخصوصي !!! ليه يامصريين حرام عليكو هاتتحاسبو على سكاتكو على مبارك وحكومته الفسادة ورجالها اللصوص الفاسدين ولله مش عايز أقول رجالة لأنهم يفتقدو معنى الرجولة فعلاً حرام عليكو يناس ولله حرام عليكو نفسكو راضيين بالذل ليه عندكو ايه خايفين عليه مانتو كده كده بتموتو اما بالقطارات او باي شئ تاني المهم ان كلها موتة رخيصة تفتقد أقل معاني الشرف والكرامة نموت كالفإران انا عايز حد بيفهم يقولي فيه ايه حكومة مبارك او مبارك نفسه او حد من اسرته عملها لصالح الناستعالو نفتكر كدهمبيدات مسرطنة وغلاء في كل حاجة وخنقة في الحريات مفيش شغل مفيش عيشة كريمة لا يقيم شرع الله (وهذا وحده يكفي ) وكمان مش مكفيهم كل ده بقتلوكو في المواصلات بجميع انواعها صابرين على ايه؟؟؟ حرام بقى فوقو يناس ولله مافي أي سبب لصبرنا دهذنبكو ايه يا مصريين أقلكو ذنبنا ايه ذنبنا اننا سكتنا على الفاسدين واللصوص والطغاه يحكمونا ويبيعو ويشتري فينا ولا يمكن ذنبنا اننا مصريين ولا علشان غلابة فقرا لأ أكيد احنا مظاليم آه ه ه ه يامصريين ولله بتحرق في قلبي الآهحسبي الله ونعم الوكيل فيك يا ظالم