الأربعاء، سبتمبر 5

عن مرض مبارك ووفاته وابراهيم عيسى

بصراحة انا مش عارف ابدا منين ولا اقول ايه بقالي يومين عايز اكتب عن الموضوع ده ومش عارف اقول حاجة لأني عايش حالة من القرف بسبب اللي حصل مع ابراهيم عيسى

اتحول للتحقيق معاه في نيابة امن الدولة لأنه كتب في موضوع كل الناس اتكلمت فيه وهو موت الريس ( ان شاء الله قريب ) قال يعني ابراهيم عيسى لوحده اللي اتكلم في الموضوع ده يعني لو فكروا يحققوا في اللي نشر الإشاعة اساساً هايحققوا مع كل الشعب المصري واحد واحد وواحدة واحدة ده الناس ولله كانت فرحانة وسعيدة سعادة غامرة ( على الرغم من انه لا شماتة فى المرض ولا شفاعة فى الموت ) نسيوا مشاكل الغلاء والعيشة الزفت وفرحوا اوي انه هايموت

وبعدين يا ست سوزان ويا بتوع الصحف الحكومية اللي زعلتوا اوي من نشر اشاعة ( اتمنى ان تكون حقيقة ) واتحرقتوا وقعدتوا تقولوا يجب التحقيق في اللي ورا من اثار الإشاعة دي ومحدش اتكلم فيكم ولا انتي يا ست سوزان عن الناس اللي بتشرب مية مليانة امراض او رغيف العيش اللي مش لاقينه او المية اللي مش موجودة في بعض القرى او الغلا اللي جاي زي الجراد والكل كل قوت الناس الله يخرب بيوتكم يا ظلمة

ويا ست سوزان انتي ورجالتك بتوع الجرايد الحكومية دول زي ما بتفلقوا الناس بمشاريعكم الساقطة القراية للجميع والنيلة على دماغكم جميعاً تشوفي الناس بقت بتتمنى ان جوزك يومت ليه بدل ما تفضلي تقولي من اللي قال انه بيموت
طب يطلع ينفي هو بذاته على التليفزيون لو فيه صحة لسة اصل احنا مبنصدقكيش لا انتي ولارجالتك بتوع جرايد الحكومة اصل شبعنا منهم كذب ونفاق

صحيح عالم ناقصة

3 التعليقات:

مدونه انا بحبك يا مصر يقول...

انا اول تعليق دة شرف كبير ليه وحلم غالى تحقق
ولكن انا اود ان انقول ان الحياة والموت من عند الله ليس لنا ارادة لتدخل فيه ولكن
الذى لنا ارادة فيه هوالعمل لتغير الواقع من الخارج
احمد الجيزاوى

كريم البحيرى يقول...

http://yalhwy.maktoobblog.com/507850/%CA%DA%CF%CF%CA_%C7%E1%C3%E3%C7%DF%E4.._%E6%C7%E1%CA%DA%D0%ED%C8_%E6%C7%CD%CF0

ادخل وشوف معنا ضد التعذيب واوعى تغمض عنيك
كريم البحيرى
http://yalhwy.maktoobblog.com

مدونه انا بحبك يا مصر يقول...

كل عام وانتم بخير وعادة الله عليكم وعلى الاهه الاسلاميه بكل خير
كل عام وانتم منصورين واقوياء
كل عام ومصر بخير
احمد الجيزاوى

إرسال تعليق

علق ومتنساش تدخل على مدونتي التانية حنظلة
http://7anzala.wordpress.com