الجمعة، يناير 18

اخر اخبار معتقلين كفاية في مظاهرة السيدة زينب

اخر اخبار معتقلين كفاية في مظاهرة السيدة زينب
المصدر منتدى الحركة المصرية من اجل التغيير المندرة
كما احب ان اوجه الشكر للأستاذ محمد الشرقاوي ( الكبير ) لمتابعته وامدادنا بالأخبار


ذكر فريق الدفاع شيء يفطس من الضحك أن أثناء تحقيق النيابة أتضح أن هناك محضر تحريات
بتاريخ 8-1 طلب فيه القبض علي أسماء معينة حال تواجدها يوم 17 في ميدان السيدة زينب وهذا يفسر رواية د.قنديل من تعرضه لمطاردة و متابعة أمنية منذ الصباح و تمكن من الأفلات منها

المهم انه و لا واحد من الذين ذكرهم المحضر تم القبض عليه و تم القبض علي أخرين يعني غباء في غباء و القضية قانونيا باطلة ... بعد عرضهم علي النيابة و اثناء وقوفهم مع محامين كفاية الأبطال
تمكنت من مكالمة ميت و المويلحي و وروحهم المعنوية في السماء و الفريق القانوني ذكر بأن خروجهم بات مؤكدا بعد نكتة محضر التحريات الخايب و أن المحضر أخذ تصنيف أداري الي الأن و ليس امن دولة ........... و يامسهل يارب ... دعواتكم لأبطال كفاية اللي بيأكدوا كل يوم أنهم روح مصر الحقيقية و أن صوت كفاية مش حيموت ....... و اللي قال كفاية ماتت و طعنا في ضهرنا احب أقوله انه هو اللي مات وهو حي !!!!!!!

تحديث من الفريق القانوني 8 محامين بعد أنضمام ( التتش أحد اعضاء المندرة )اللي تليفونه مغلق عشان البطارية
اسماء المعروضين علي نيابة الجلاء
1- عبد النبي حامد
2-محمد عادل
3-محمد العجمي
4- صفاء المويلحي
5-عمرو يوسف
6-فتحي الحفناوي
7-بيتر الفريد
8-اسامة كامل
9- عمر سعيد

و تم تدبير اعاشة للمعتقلين