الثلاثاء، مارس 25

انت فين يا عنتر زمانك ؟؟

انت فين يا عنتر زمانك
انت فين يا ابو الغيط يا كاسر الرجول وقاهر الأسود
هناك 4 مصريين واحد منهم قتل و3 اصيبوا برصاص امريكي ، لأ متفتكرش الكلام ده حصل في العراق
ده حصل في مصر
اه ولله مصر
وفي قناة السويس كمان ياعم اه ولله يعني في مصر ومصريين وماتاو برصاص امريكي
وده الخبر :

مصراوى-خاص- لقى مواطن مصري مصرعه وأصيب 3 آخرين بجراح اثر قيام طاقم سفينة أمريكية بإطلاق النيران عليهم.

كانت السفينة الأمريكية "جلوبال باتريوت" تقوم برحلة من الولايات المتحدة إلى العراق عبر قناة السويس وعلى متنها معدات عسكرية وأسلحة لقوات الاحتلال الأمريكي بالعراق .

وأثناء وقوف السفينة الأمريكية بغاطس قناة السويس اقترب عدد من الشباب في زوارق صغيرة لعرض بعض السلع والمنتجات المحلية على طاقم السفينة لحين الدخول للقناة ،إلا أنهم فوجئوا بفتح النيران عليهم من كل جانب مما أسفر عن مقتل احدهم وإصابة آخرين.

وقد أثار الحدث مشاعر الأهالي بشدة فتجمعوا ببعض السفن والمراكب الصغيرة وأحاطوا بالسفينة ومنعوها من التحرك.

شوفتوا بقى صدقتوني اني مش مهفوف في عقلي ومبهيسش

فين بقى عنتر زمانه وزير خارجيتنا الهمام احمد ابو الغيط الي كان حالف طلاق بالتلاتة لا يكسر رجل اي فلسطيني يدخل مصر لأنه كسر السور اللي بنياه اسرائيل بينا وبين غزة
والفلسطينيين دول دخلوا مش علشان يعدوا يروحوا السودان ولا العراق يقتل في اهلها ويحتلها
لأ ده الفلسطينيين كانو داخلين يشترو اكل وبضايع لأنهم كانو محاصرين ولنا الفضل في حصارهم بإغلاقنا معبر رفح تحت اي حجة بقى احنا اللي قافلينه في وش اخونا المسلمين والعرب الفلسطينيين
ورغم كدة طبع عنترنا وعنتر زمانه احمد بيه ابو الغيط وحلف بالطلاق لا يكسر رجل اللي هايدخل مسر وينتهك سيادتها
طيب انت موقفك ايه بقى دلوقتي يا عنترة ؟
هل هاتكسر رجل العساكر الأمريكان ولا هاتقبلها ؟
هل هاتفضلو تعدوا السفن الأمريكية لقتلنا ولقتل اخونا في العراق ولا ايه النظام بالظبط ؟
هل هاتضيع حقوق الناس دي زي اللي قبلهم كتير اللي ماتو برصاص اسرائيلي على الحدود ولا هاتطلع عنتر وتكسر رجلهم ؟؟
لألأ العيب مش عليك
العيب على اللي حطك في المكان ده
ايوة العيب على مبارك
اللي فلق دماغنا بالكلام الفارغ عن السيادة
العيب على مبارك اللي في عهده الناس قتلت نفسها علشان رغيف عيش بشلن
العيب على مبارك اللي بياخد اوامره من البيت الأبيض لوناً والإسودا قلباً وافكاراً
العيب علينا كمصريينا اننا رضينا بيكو يا عملاء الأمريكان
ًً

3 التعليقات:

عبدالرحمن فارس يقول...

أصله مبيعرفش

لكن مفيش مروه تغنيله

يااخي ... استغفر الله العظيم


محبتي

Monitor de LCD يقول...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Monitor de LCD, I hope you enjoy. The address is http://monitor-de-lcd.blogspot.com. A hug.

adam brown يقول...

Hello I just entered before I have to leave to the airport, it's been very nice to meet you, if you want here is the site I told you about where I type some stuff and make good money (I work from home): here it is

إرسال تعليق

علق ومتنساش تدخل على مدونتي التانية حنظلة
http://7anzala.wordpress.com