الخميس، أبريل 9

فسيخة في حبك يا مصر.. احدى تداعيان الإفراط في الإستعباط

فسيخة في حبك يا مصر


طبعاً يا جماعة كلها كام يوم ونحتفل كلنا بشم النسيم سواء مختلف دينياً او متفق هو عيد مصري والكل بيحتفل بيه ، وعلى غرار الفاعليات الفارغة والفاشلة اللي بنسمع عنها كل يوم فأنا بقترح تحويل شم النسيم الى فاعلية سياسية ويبقى شعارنا في اليوم ده فسيخة لكل مواطن شرح تفاصيل الإحتفالية والإحتفال كالآتي

أولاً الأدوات اللي هانحتاجها :

فسيخ

رنجة

سردين

بصل

وعيش بلدي

وعلم مصر

ثانياً اماكن الإحتفال :

الحدائق العامة

الأزهر بارك

كورنيش النيل

البحر لو انت من مدينة ساحلية


ثالثاً طريقة الإحتفال :

كل شاب وكل فتاة بعد ما ياكلو الفسيخ او السردين او الرنجة وطبعاً البصل اساسي ، يقومو بعدها واخدين بعض كدة وميغسلوش ايديهم طبعاً ولا بؤهم لازم يكون متلغمطين زفارة ، ويقومو ماسكين ايديهم في ايد بعض ويقومو رافعين العلم ويقولو في صوت واحد وصوت عالي

انا زفر

فسيخة في حبك يا مصر

وليكن شعارنا جميعاً في هذا اليوم

فسيخة في حبك يا مصر

طبعاً دي مش دعوة حقيقية دي حاجة كدة بحاول اعبر بيها عن مدى استيائي من الإفراط في الإستعباط

0 التعليقات:

إرسال تعليق

علق ومتنساش تدخل على مدونتي التانية حنظلة
http://7anzala.wordpress.com